user-icon

შედარება
evg-logo
cart

კალათა

0 ნივთი

cart

სურვილები

0  ნივთი

ავტორიზაცია

დაგავიწყდა პაროლი?
ავტორიზაცია
რეგისტრაცია

რეგისტრაცია

სურვილების სია

არცერთი პროდუქტი არ მოიძებნა

შესყიდვის პირობები

შესავალი

  1. ძვირფასო მომხმარებლებო,
  2. ჩვენ პატივს ვცემთ და ვიცავთ მომხმარებლის უფლებებს. ჩვენთვის მნიშვნელოვანია დავაკმაყოფილოთ თქვენი მოთხოვნა და შემოგთავაზოთ ხარისხიანი პროდუქტი. ჩვენ ასევე ვხელმძღვანელობთ პირთა თანაბარი მოპყრობს პრინციპით და გადაწყვეტილებებს ვღებულობთ ყოველგვარი დისკრიმინაციის გარეშე;
  3. ქვემოთმოცემული პოლიტიკის მიზანია მომხმარებლისათვის არჩევანის თავისუფლების უზრუნველყოფა, მომხმარებლის წინასწარი, გონივრული და სათანადო ინფორმირება შეთავაზებულ პროდუტსა და მასთან დაკავშირებული ყველა პროცესისა და პროცედურის შესახებ, რომელიც აყალიბებს და ხელს უწყობს მომხმარებლის პატივისცემაზე დამყარებული ქცევის კულტურის განვითარებას. ჩვენ ვართ

ტერმინთა განმარტება

  1. “ვებ-გვერდი” - ნიშნავს www.evg.ge
  2. "საქონელი" − ნებისმიერი მოძრავი ნივთი, აგრეთვე მასში განთავსებული ან/და ციფრული ფორმით გავრცელებული ქონებრივი სიკეთე;
  3. „გასაყიდი ფასი“ - საქონლის ან მომსახურების ერთეულის ან განსაზღვრული რაოდენობის საბოლოო ფასი, დამატებული ღირებულების გადასახადისა და სხვა გადასახადების ჩათვლით;
  4. “კომპანია“ ან “მოვაჭრე” - შპს “ივიჯი“ (საიდენტიფიკაციო ნომერი: 245439271; იურიდიული და ფაქტობრივი მისამართი მისამართი: ბათუმი, ჭავჭავაძის N66; ელ. ფოსტა: evg@evg.ge; ტელ: 0422 271749);
  5. „მომხმარებელი“ - ნებისმიერი ფიზიკური პირი, რომელსაც სთავაზობენ ან რომელიც იძენს ან შემდგომ იყენებს საქონელს ან მომსახურებას უპირატესად პირადი მოხმარების მიზნით და არა სავაჭრო, სამეწარმეო, სახელობო ან სხვა პროფესიული საქმიანობის განსახორციელებლად “მხარეები” - ნიშნავს "ივიჯისა" და მომხმარებელს;
  6. “დისტანციური ხელშეკრულება” − ხელშეკრულება, რომელიც დადებულია "ივიჯისა" და მომხმარებელს შორის მხოლოდ დისტანციური კომუნიკაციის ერთი ან რამდენიმე საშუალების გამოყენებით, დისტანციური ნასყიდობის ან მომსახურების მიწოდების ორგანიზებული სქემის მეშვეობით და არ მოითხოვს მომხმარებლისა და მოვაჭრის ფიზიკურ თანაყოფობას. ამასთანავე, ხელშეკრულება დისტანციურ ხელშეკრულებად არ მიიჩნევა, თუ მომხმარებელი და "ივიჯი" ხელშეკრულების პირობებზე სარეწში შეთანხმდნენ და ხელშეკრულება დისტანციურად მხოლოდ ამის შემდეგ დაიდო;
  7. „სარეწი“ - ნებისმიერი უძრავი ობიექტი ან მოძრავი ობიექტი, სადაც მოვაჭრე, ჩვეულებრივ, კომერციულ საქმიანობას ახორციელებს;
  8. „კომერციული გარანტია“ - მოვაჭრის ან მწარმოებლის (გარანტიის გამცემის) მიერ, ხელშეკრულებასთან შესაბამისობის უზრუნველყოფის ვალდებულების გარდა, მომხმარებლის სასარგებლოდ დამატებით და უსასყიდლოდ ნაკისრი გადახდილი ფასის ანაზღაურების, საქონლის შეცვლის, შეკეთების ან მომსახურების სხვა ვალდებულებები, რომლებიც ხელშეკრულებასთან შეუსაბამობის აღმოფხვრის ვალდებულებიდან არ გამომდინარეობს;
  9. „საგარანტიო მომსახურება“ - ნიშნავს "ივიჯის" ან მისი კონტრაქტორის მიერ გაყიდვის შემდეგ დაზიანებული საქონლის უფასო და აუცილებელ შეკეთებას საგარანტიო ტალონში მითითებული წესების მიხედვით;
  10. „ციფრული შინაარსი“ - მონაცემები, რომლებიც ციფრული ფორმით არის წარმოებული ან მიწოდებული;
  11. „ხანგამძლე მატარებელი“ - ნებისმიერი ინსტრუმენტი, რომელიც უზრუნველყოფს ინფორმაციის ხანგრძლივ შენახვასა და უცვლელ რეპროდუცირებას ამ ინფორმაციის გამოყენებისთვის საჭირო დროის განმავლობაში.

ხელშეკრულების გაფორმების ზოგადი წესები

  1. "ივიჯი" მომხმარებელს აწვდის სრულ და ამომწურავ ინფორმაციას პროდუქტის არსებითი მახასიათებლებისა და პარამეტრების შესახებ ქართულ ენაზე, კანონით დადგენილი წესის შესაბამისად.
  2. თუკი მომხმარებელი გამოხატავს საქონლის შეძენის სურვილს, შესყიდული ნივთი ტექნიკური პერსონალის მიერ მომხმარებელთან ერთად დათვალიერდება და შემოწმდება თავდაპირველ ვიზუალურ ნაკლზე, რადგან საგარანტიო მომსახურება არ ფარავს ფიზიკური ზემოქმედებით გამოწვეულ დაზიანებას. მხოლოდ ამის შემდეგ, მომხმარებლის თანდასწრებით ასევე გავტესტავთ ნივთს მის ტექნიკურ გამართულობაზე.
  3. შეძენილი ნივთი ასევე აუცილებლად შემოწმდება ვიზუალურ ნაკლზე დისტანციური ხელშეკრულების დადების შემთხვევაშიც, რათა თავიდან ავიცილოთ სამომავლო გაუგებრობები ან/და მასთან დაკავშირებული თანმდევი პროცედურები;

კანონისმიერი და კომერციული გარანტია

  1. ფიზიკური პირის მიერ ივიჯიში შეძენილ საქონელს აქვს კანონისმიერი გარანტია ორი წლის ვადით. მოცემული გარანტია არ ვრცელდება იურიდიული/მეწარმე პირის და სახელმწიფო ორგანიზაციის მიერ შეძენილ საქონელზე;
  2. კომერციული გარანტია არ ზღუდავს მომხმარებლის კანონით დადგენილ უფლებებს და პარალელურად წარმოგიდგენთ მომსახურებასთან დაკავშირებულ მნიშვნელოვან ინფორმაციას, მხარეების ვალდებულებებს, ვადებს და ასევე იმ პირობებს, რა შემთხვევაშიც უქმდება საგარანტიო მომსახურება.
  3. როგორც კომერციული, ისე კანონისმიერი გარანტია ვრცელდება საქართველოს ტერიტორიაზე და რეგულირდება საქართველოს კანონმდებლობის შესაბამისად.

საქონლის მიწოდების ვადა

  1. "ივიჯი" ვალდებულია მომხმარებელს მიაწოდოს საქონელი დაყოვნების გარეშე, მაგრამ ხელშეკრულების დადებიდან არაუგვიანეს 10 სამუშაო დღისა, თუ ხელშეკრულებით სხვა რამ არ არის გათვალისწინებული და მომხმარებელი ამის თაობაზე ინფორმირებულია და თანახმაა.
  2. იმ შემთხვევაში, თუ "ივიჯიმ" ვალდებულება დადგენილ ვადაში არ შეასრულა, მომხმარებელი უფლებამოსილია განუსაზღვროს "ივიჯის" გონივრული დამატებითი ვადა ვალდებულების შესასრულებლად. დამატებითი ვადის გასვლის შემდეგ, ვალდებულების შეუსრულებლობის შემთხვევაში, მომხმარებელს უფლება აქვს, უარი თქვას ხელშეკრულებაზე და მოითხოვოს ზიანის ანაზღაურება საქართველოს სამოქალაქო კანონმდებლობით დადგენილი წესით. დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება საქონლის დროულად მიღებას დაუკავშირა.
  3. თუ მომხმარებელს საქონელი იმის გამო არ მიეწოდება, რომ იგი ხელმისაწვდომი არ არის, "ივიჯი" ვალდებულია მომხმარებელს დაუყოვნებლივ აცნობოს ამის შესახებ.

საქონლის მიწოდების ვალდებულება

  1. "ივიჯი" ვალდებულია გადასცეს მომხმარებელს ხელშეკრულებით გათვალისწინებული პირობების შესაბამისი საქონელი.
  2. საქონელი ხელშეკრულებით გათვალისწინებული პირობების შესაბამის საქონლად მიიჩნევა:
  3. ა) თუ იგი შეესაბამება "ივიჯის" მიერ მომხმარებლისთვის მიწოდებულ აღწერას და მას აქვს იგივე თვისებები, რომლებიც "ივიჯის" მიერ მომხმარებლისთვის წარდგენილ საქონლის ნიმუშს ჰქონდა;
  4. ბ) "ივიჯის" მიერ მომხმარებლისთვის მიწოდებული აღწერის არარსებობის შემთხვევაში, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა "ივიჯის" ხელშეკრულების დადების დროს აცნობა და რომელსაც "ივიჯი" დაეთანხმა;
  5. გ) თუ მომხმარებელი "ივიჯის" არ აცნობებს იმ მიზნის თაობაზე, რომლისთვისაც მას სურს საქონლის გამოყენება, მაშინ საქონელი ხელშეკრულებით გათვალსიწნებული პირობების შესაბამისად მიიჩნევა, თუ იგი ვარგისია იმ მიზნით სარგებლობისთვის, რომლისთვისაც იგი ჩვეულებრივ გამოიყენება.
  6. დ) თუ საქონლის ჩვეულებრივი გამოყენების მიზანი ვერ დგინდება, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ მას აქვს ამ სახეობის საქონლის თვისებები და ფუნქციონირებს ისე, როგორც აღნიშნული სახეობის საქონელი, ამასთანავე, რისი გონივრული მოლოდინიც მომხმარებელს შეიძლებოდა ჰქონოდა საქონლის ბუნებიდან და იმ საჯარო განცხადებებიდან გამომდინარე, რომლებიც გააკეთა "ივიჯიმ", მწარმოებელმა, მისმა წარმომადგენელმა ან ბაზარზე განთავსებისთვის პასუხისმგებელმა სხვა პირმა, მათ შორის, რეკლამის ან/და ეტიკეტის საშუალებით;
  7. ამ მუხლის მიზნებისთვის საქონელი ნაკლის მქონე საქონლად არ მიიჩნევა, თუ ხელშეკრულების დადების მომენტში მომხმარებელმა იცოდა ან უნდა სცოდნოდა, რომ საქონელს ნაკლი ჰქონდა;

მომხმარებლის უფლებები ნაკლის მქონე საქონლის მიწოდების შემთხვევაში

  1. იმ შემთხვევაში, თუ საქონელი ნაკლის მქონე აღმოჩნდა, მომხმარებელს უფლება აქვს, "ივიჯის" მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
  2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, "ივიჯის" მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
  3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
  4. საქონლის უსასყიდლოდ შეკეთება ან შეცვლა გულისხმობს "ივიჯის" მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
  5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
  6. ა) თუ გონივრულ ვადაში საქონლის შეკეთება ან შეცვლა შეუძლებელია;
  7. ბ) "ივიჯიმ" საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
  8. გ) "ივიჯის" მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
  9. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
  10. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
  11. იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:
  12. ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
  13. ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
    14. გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

მტკიცების ტვირთი და ვადები ხელშეკრულებასთან შეუსაბამობისას

  1. თუ მომხმარებელმა ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, ეკისრება მომხმარებელს;
  2. მომხმარებელს უფლება აქვს, ისარგებლოს "მომხმარებლის უფლებების დაცვის შესახებ" საქართველოს კანონითა და წინამდებარე სავაჭრო პოლიტიკის მე-4 და მე-5 მუხლებით გათვალისწინებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა;
  3. ამ მუხლის მე-2 პუნქტის მოქმედება არ ვრცელდება მეორეული საქონლის ნასყიდობაზე. ასეთი საქონლის ნასყიდობისას ამ მუხლის მე-2 პუნქტით განსაზღვრულ შემთხვევაში "ივიჯის" პასუხისმგებლობა მხარეთა შორის ინდივიდუალური შეთანხმების საგანია.

დისტანციური ხელშეკრულება და სარეწის გარეთ დადებული ხელშეკრულება

  1. მომხმარებლის მიერ საქონლის შეძენა შეიძლება განხორციელდეს დისტანციურად კომპანიის ვებ-გვერდის www.evg.ge მეშვეობით ან სარეწის გარეთ.
  2. პროცესის განხორციელებისათვის პირველ ნაბიჯს წარმოადგენს მომხმარებლის რეგისტრაცია ელ. ფოსტის საშუალებით, (ელ-ფოსტაზე უნდა გაეგზავნოს ავტომატურად მთელი ეს პოლიტიკა ერთჯერადად რეგისტრაციისას - მოსაფიქრებელია მეილის ტექსტი და გასაწერია შაბლონი) სადაც იგი გაეცნობა კომპანიის ვებგვერდით სარგებლობის წესებსა და პირობებს, აგრეთვე წინამდებარე სავაჭრო პოლიტიკას და შესაბამისი ველის მონიშვნით გამოხატავს ნებას, რომ იგი გაეცნო და თანახმაა, რომ კომპანიასა და მომხმარებელს შორის ხელშეკრულება გაფორმდეს დისტანციური კომუნიკაციის საშუალებით.

დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე უარის თქმის უფლება

  1. 1. საქართველოს კანონმდებლობისა და ამ პოლიტიკით დადგენილი გამონაკლისების გარდა, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება:
  2. ა) მომსახურების ხელშეკრულების შემთხვევაში − ხელშეკრულების დადებიდან;
  3. ბ) ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
  4. გ) მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
  5. დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.
  6. 2. მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა "ივიჯის" მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან. საქონლის ფასის შემცირების შედეგად წარმოშობილი სხვაობის დაფარვის ვალდებულება მომხმარებელს არ დაეკისრება, თუ "ივიჯიმ" მას კანონით გათვალისწინებული ხელშეკრულებაზე უარის თქმის უფლების შესახებ სრული ინფორმაცია არ მიაწოდა.
  7. 3. მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
  8. 4. მომხმარებელი ვალდებულია "ივიჯის" ამ მუხლის პირველი პუნქტით დადგენილ ვადაში გაუგზავნოს შევსებული ფორმა ან სხვა ცალსახა მტკიცებულება, რომელიც ასახავს მომხმარებლის გადაწყვეტილებას საქონლის დაბრუნების შესახებ. ამ მუხლით გათვალისწინებული ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.
  9. 5. მომხმარებელს შეუძლია ხელშეკრულებაზე უარის თქმის უფლება განახორციელოს ამ მუხლის პირველი პუნქტით დადგენილ ვადაში, თუ მან ხელშეკრულებაზე უარის თქმის შესახებ შეტყობინება "ივიჯის" აღნიშნული ვადის ამოწურვამდე გაუგზავნა. იმის მტკიცების ტვირთი, რომ ხელშეკრულებაზე უარის თქმის უფლება ამ მუხლის შესაბამისად განხორციელდა, მომხმარებელს ეკისრება.
  10. ხელშეკრულებაზე უარის თქმის შემთხვევაში მოხმარებელმა უდა გააგზავნოს მოთხოვნა მეილზე evg@evg.ge შემდეგი ინფორმაციით:
  11. ა) შპს „ივიჯი“ ; მის: ბათუმი, ჭავჭავაძის N66; საიდ. კოდი: 245439271; ელ-ფოსტა evg@evg.ge; ტელ: 0422 271749
  12. ბ) შეკვეთის თარიღი;
  13. გ) შეკვეთის მიღების თარიღი;
  14. დ) მომხმარებლის
  15. ე) მომხმარებლის მისამართი;
  16. ვ) მომხმარებლის ხელმოწერა (თუ ფორმა ქაღალდზეა შევსებული);
  17. ზ) ფორმის შევსების თარიღი.

ყოველგვარი საფუძვლის მითითების გარეშე ხელშეკრულებაზე უარის თქმასთან დაკავშირებული გამონაკლისები

  1. მომხმარებელს არ აქვს უფლება, უარი თქვას ხელშეკრულებაზე, თუ:
  2. ა) ღირებულება არ აღემატება 30 ლარს;
  3. ბ) "ივიჯიმ" ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
  4. გ) ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც "ივიჯი" ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;
  5. დ) მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
  6. ე) მიწოდებული საქონელი მალფუჭებადია ან მას მოკლე ვარგისობის ვადა აქვს;
  7. ვ) მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
  8. ზ) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
  9. თ) მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
  10. ი) მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;

ხელშეკრულებაზე უარის თქმის შედეგები

  1. 1. ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სარეწის გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.
  2. 2. ხელშეკრულებაზე უარის თქმის შემთხვევაში "ივიჯი" ვალდებულია:
  3. ა) მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა. "ივიჯი" ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან "ივიჯის" მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან;
  4. ბ) თანხა აანაზღაუროს გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.
  5. 3. ნასყიდობის ხელშეკრულებაზე უარის თქმის შემთხვევაში "ივიჯის" უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც "ივიჯიმ" თავად იკისრა საქონლის უკან წაღება.
  6. 4. ხელშეკრულებაზე უარის თქმის შემთხვევაში მომხმარებელი ვალდებულია:
  7. ა) "ივიჯის" ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც "ივიჯიმ" თავად იკისრა საქონლის უკან წაღება;
  8. ბ) უპირობო დაბრუნებასთან დაკავშირებული ტრანსპორტირებისა და სხვა მომსახურების ხარჯები ეკისრება მომხმრებელს (მონტაჟი, დემონტაჟი, აწყობა, დაშლა და ა.შ);
  9. **იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით.

პროდუქტის შეცვლა/დაბრუნების პირობები

  1. • მომხმარებლის მიერ ივიჯიში ადგილზე შეძენილ ნივთებზე უპირობოდ დაბრუნების ან/და შეცვლის ვადაა 3 (სამი) კალენდარული დღე;
  2. • ნივთის დაბრუნება/გაცვლა შესაძლებელია მხოლოდ იმ პირობით, რომ ნივთი უნდა იყოს გამოუყენებელი და საწყისი კომპლექტაციით, არ უნდა იყოს დაზიანებული შეფუთვა;
  3. • დაბრუნებასთან დაკავშირებული ტრანსპორტირებისა და სხვა მომსახურების ხარჯები ეკისრება მომხმრებელს;
  4. • ნივთი არ ბრუნდება უპირობოდ იმ შემთხვევაში, თუ დაზიანებულია შეფუთვა, აკლია ინსტრუქცია (ასეთის არსებობის შემთხვევაში), ნივთს გარეგნულად აღენიშნება მოხმარების კვალი, დაშლილია თვითნებურად, შეცვლილია სხვა პროდუქტით. ასეთი ნივთის დაბრუნების საკითხი შესაძლოა განიხილოს ინდივიდუალური შეთანხმების გზითა და მაღაზიის კეთილი ნების საფუძველზე. მსგავსი პროდუქციის დაბრუნების წინაპირობა გახლავთ მომხმარებლის მხრიდან ფასდათმობა (15-50%-ის ფარგლებში) ეს პირობა ვრცელდება მხოლოდ იმ შემთხვევაში, თუ მაღაზიის რესურსებით შესაძლებელია ნივთის იმ კონდიციამდე მიყვანა, რომ ხელახალი გაყიდვის დროს პროდუქტი შეესაბამებოდეს ქარხნულ სტანდარტებს;
  5. • არ ბრუნდება გამოყენებული ჰიგიენური ნივთები (მაგალითად, ყურში მოსათავსებელი ყურსასმენები) ასევე ნივთები, რომლებსაც დარღვეული აქვს ჰერმეტული შეფუთვა და ამ დარღვევით ჩნდება პროდუქტის ნაკლოვანების რისკი ( კარტრიჯები, მელანი და სხვა);
  6. • თუ პროდუქტი შედგება რამდენიმე ნივთისგან (მაგალითად, სააქციო კომპლექტი) ერთი ან რამდენიმე ნივთის დაბრუნება არ აჩენს სხვა ნივთების დაბრუნების ვალდებულებას იმ შემთხვევაში, თუ ისინი გამოყენებულია;
  7. • დაბრუნებისთვის მომხმარებელმა უნდა წარადგინოს ნივთი სრული კომპლექტაციით, ასევე შეძენის დამადასტურებელი დოკუმენტი/ქვითარი და პირადობის დამადასტურებელი მოწმობა/პასპორტი;
  8. • თანხის დაბრუნება ხდება იგივე მეთოდით რა მეთოდითაც მოხდა ნივთის შეძენა: 1) ნაღდი ანგარიშსწორება: თანხის ანაზღაურებით ადგილზე; 2) საბანკო ანგარიშსწორება: თანხის გადარიცხვით შესაბამის ანგარიშზე; 3) ბარათით გადახდა: საოპერაციო დღის დახურვამდე ტერნმინალზე უქმდება ოპერაცია და მომხმარებელს ბარათზე უბრუნდება თანხა ავტომატურად; თუკი დღის ოპერაციები დახურულია, უნაღდო ანგარიშსწორებისთვის მომხმარებელმა უნდა წარმოადგინოს შესაბამისი ანგარიშის ნომერი და თანხა დაუბრუნდება 2 (ორი) სამუშაო დღის განმავლობაში.

გარანტიასთან დაკავშირებული სხვა მნიშვნელოვანი ინფორმაცია

  1. • თავდაპირველი წუნის შემთხვევაში პროდუქცია შეძენის პუნქტში ყოველგვარი დასკვნის გარეშე ავტომატურად იცვლება რეალიზაციის დღიდან 3 (სამი) კალენდარული დღის განმავლობაში;
  2. • საგარანტიო მომსახურება გულისხმობს ნაკლის აღმოფხვრას: შეკეთებას, შეცვლას, ფასის შემცირებას ან ხელშეკრულებიდან გასვლას კანონით დადგენილი ნორმებით;
  3. • საგარანტიო მომსახურებასთან დაკავშირებული პროცედურებისათვის მომხმარებელმა უნდა მოგვმართოს მისამართზე: ბათუმი, ჭავჭავაძის N66 („შპს ივიჯი” საიდ. კოდი: 245439271) საიდანაც მომსახურება ხორციელდება შესაბამის ავტორიზებულ სერვის ცენტრებში და ფარავს ოფიციალური ბრენდის ან მისი წარმომადგენლის მიერ დადგენილ პირობებს;
  4. • ნივთის შეცვლისას თუ მომხმარებლმა სერვის ცენტრის წარმომადგენელს ნივთი არ გადასცა სრული კომპლექტაციით, შეიცვლება მხოლოდ ნივთის ის ნაწილი, რომელის გადაცემაც მოხდა;
  5. • გამყიდველი პასუხს არ აგებს მყიდველის მოწყობილობაში ჩაწერილი ინფორმაციის შენახვაზე;
  6. • ყურადღებით გაეცანით მოწყობილობაზე თანდართული ექსპლუატაციის წესებს, ან/და მწარმოებლის მიერ გამოქვეყნებულ ოფიციალურ ინფორმაციას ექსპლუატაციის წესებისას და ნორმების შესახებ;
  7. • მოწყობილობათა ეკრანის განსაზღვრული რაოდენობის მკვდარი წერტილები მწარმოებლის მიერ დადგენილი სტანდარტებით ნორმაა და ნაკლად არ ითვლება;
  8. 1. მყიდველი ვალდებულია :
  9. • დაიცვას ნივთის ექსპლუატაციის წესები მწარმოებლის მიერ დადგენილი სტანდარტების შესაბამისად;
  10. • წარადგინოს საგარანტიო ტალონი ან/და თანხის გადახდის დამადასტურებელი დოკუმენტი (ნაღდი ან ბარათით ანგარიშსწორებისას) ან/და მწარმოებლის საგარანტიო ტალონი (ასეთის არსებობის შემთხვევაში);
  11. • სასურველია, მყიდველმა გარანტიის ვადაში შეინახოს მოწყობილობათა ყუთები და შესაფუთი მასალები, რათა საჭიროების შემთხვევაში ტექნიკის ტრანსპორტირებისას არ მოხდეს მათი მექანიკური დაზიანება.
  12. 2. გამყიდველი ვალდებულია :
  13. • გამყიდველი ვალდებულია საგარანტიო ვადაში შეაკეთოს ან შეცვალოს დაზიანებული ტექნიკა - იმ შემთხვევაში, თუ შესაკეთებელი დეტალი ან ნივთი ადგილზეა, სერვის-ცენტრში ნივთის მიღების მომენტიდან არაუგვიანეს 30 კალენდარული დღის ვადაში, ხოლო თუ საჭიროა ნივთის/შესაკეთებელი დეტალის უცხოეთიდან გამოწერა, სერვის-ცენტრში ნივთის მიღების მომენტიდან არაუგვიანეს 60 კალენდარული დღის განმავლობაში;
  14. • ნივთის შეცვლისას თუ დეფექტური მოწყობილობის ანალოგიური ხელსაწყო აღარ არის წარმოებაში, მომხმარებელთან შეთანხმებით შეცვალოს მსგავსი კლასის ან ღირებულების ტექნიკით და გადაიანგარიშოს ფასთასხვაობა.
  15. 3. საგარანტიო მომსახურების გაუქმების პირობები
  16. • ამოიწურა ტექნიკის კანონისმიერი და კომერციული საგარანტიო ვადა;
  17. • არ არის წარმოდგენილი საგარანტიო ტალონი, ასევე შესყიდვის დამადასტურებელი დოკუმენტი (ქვითარი, სასაქონლო ზედნადები და ა.შ.) და სხვაგვარად ვერ ხერხდება ნივთის იდენტიფიცირება;
  18. • საგარანტიო საბუთში წაშლილია ინფორმაცია ან გადაკეთებულია და სხვაგვარად შეუძლებელია ნივთის იდენტიფიცირება;
  19. • გაყიდულ ნივთზე მონაცემები წაშლილი, შეცვლილი, გადაკეთებულია, ნივთზე არ იკითხება/ამძვრალია სერიული ნომერი და სხვაგვარად შეუძლებელია ნივთის იდენტიფიცირება;
  20. • დაზიანება გამოწვეულია პლომბის ან ლუქის მოცილებით;
  21. • წუნი გამოწვეულია ფიზიკური ზემოქმედებით და არასათანადო ექსპლუატაციით;
  22. • დაზიანება გამოწვეულია ჭექა-ქუხილით, უცხო სხეულების და სითხეების შეღწევით, ექსპლუატაციისა და შენახვის წესების პირობების დარღვევით;
  23. • დაზიანება გამოწვეულია ცვალებადი, მაღალი ან დაბალი ელ.ენერგიის მიწოდებით;
  24. • წუნი გამოწვეულია ელ.ქსელის გაუმართაობით, ან მომხმარებლის ბრალეულობით მექანიზმის დანესტიანებით;
  25. • სხვა გარეშე პირების მიერ ჩატარდა სამონტაჟო ან სარემონტო სამუშაოები, რამაც გამოიწვია ნივთის დაზიანება;
  26. • შეძენილი ტექნიკა გამოიყენებოდა კომერციული და სამეწარმეო მიზნებისთვის.